Deplorable exemplo da Deputación de Pontevedra

 

Benito Pérez Fuentes - Chapela-Redondela

Asistín a unha xornada das denominadas "Coñeza a súa provincia", ou algo así, que organiza a Deputación de Pontevedra, por medio das Asociacións de Veciños, na que pagando dez euros te levan a ver diversas instalacións dependentes de dita Deputación, con comida, viaxe, discurso-mitin-propaganda e regalo incluídos, coma é de precepto... A que me soa esto?
Un dos sitios os que nos levaron foi a ver o hórreo e horta, xa se sabe, recorrido programado para encher esa media hora de antes da comida, do pazo-granxa de Gandarón, preto de Pontevedra.
Ó entrar no pazo, no nos impresionou o millo, inzado de xurxa que por moita investigación non dan controlado, nin a viña, que calquera viticultor da zona do Salnés ten mellor coidada, nin as árbores ou o hórreo, porque con ser significados, non son cousa doutro mundo. O que si nos golpeou, foi a ducia, máis ou menos, de aves rapaces, destinadas a espantar ós paxaros -pegas, pardais...- que lle estragan a sementeira.
O impacto é brutal, asegúrolle. Ver esas rapaces de porte maxestoso, potente, desafiante, reducidas ó espacio que lle permite unha corda de menos de medio metro atada ás dúas patas, por si se lle rompe unha, supoño, suxeita a unha estaca cravada na terra, da unha sensación de insensibilidade, de impotencia, imposible de reprimir.
É deplorable e vergonzoso que este pazo, rexido, controlado e administrado pola Deputación de Pontevedra, co señor Rafael Louzán á fronte, sirva de exemplo de escravitude e maltrato de animais. Non pode ser desculpa o que a súa presencia espante a outros paxaros, pois hoxe hai medios eficaces para este fin, dos que, por certo, xa fan uso moitos dos labregos.
Ó sol, á choiva, sen auga para que poidan beber, sen espacio que lle permita dar máis de dous pequenos saltos... Como se pode martirizar de esa forma a un animal, algún, coido, que en perigo de extinción? Como se nos pode esixir respeto á natureza e o medio ambiente? Que exemplo pode tomar un rapaz dos que fan algunha viaxe de fin de curso, que, supoño os levan aí?
Responsabeis dese centro, señor Louzán, coma máximo responsable: esa vergoña non se arranxa cun papeliño-enquisa, estudiado e preparado para que digamos que todo está moi ben.
Por certo: onde están os ecoloxistas?

CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya