EN DIRECTO

Salvar a categoría

 

Xurxo Fernández Alonso - O Rosal

Quero dirixir esta carta a tódolos celtistas pero tamén a todos aqueles que teñan responsabilidades deportivas no Real Club Celta de Vigo.
É evidente que a situación actual é do máis decepcionante. Non vou falar do partido ante o Albacete nin de ningún outro partido pasado. Supoño que case tódolos seguidores do equipo están tremendamente decepcionados e tamén supoño que xa todos nos decatamos de que o Celta non vai subir a primeira esta temporada e, supoño, que iso pode aceptarse e ir pensando na vindeira.
Pero o motivo desta carta é ben outro...
Moito me temo que o equipo actual é incapaz de gañar un so partido. Temo tamén que a posibilidade de descender a 2ª B é máis grande do que moitos pensan. Estou esaxerando? Pode alguén dicirme cales dos seguintes encontros que lle quedan ó Celta van ser os que poidan gañar? Como van conseguir estes xogadores os puntos que aínda faltan para conservar a categoría?
Descender a 2ª B supoñería, ademais, o descenso obrigatorio do Celta B a terceira. En tempos, eu xa fun ver xogar ó primeiro equipo do Celta en campos de 2ª B. Facíase por amor ó clube e ó que representaba. Ter xogado noutras divisións é curriculum, por dicilo dalgún xeito. Pero nos tempos actuais ese descenso propiciaría a práctica desaparición da entidade ou, cando menos, unha longa travesía do deserto que as arcas do clube non poderían superar.
Desexo a demisión da directiva, si, pero unha vez aseguren a permanencia en 2ª división. Propoño que sexa o Celta B (ó completo) o que se encargue de conseguir os puntos que faltan. Non sei se teñen máis ou menos calidade que os de 2ª pero seguro que teñen máis interés. Por suposto, poderían ser axudados polos escasos xogadores do primeiro equipo que, ó longo desta temporada, demostraron ter algo de vergonza. Que tamén os hai.
Todos sabemos quen son e, se fai falta, poderíase facer unha enquisa entre os lectores deste diario para dilucidalo. Co resto, o mellor que se pode facer, é darlles vacacións anticipadas e pedirlles que, por favor, non aparezan polas instalacións deportivas do club ata que sexan chamados de novo.

  HEMEROTECA
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya