Menosprezo aos veterinarios

 

Antonio Méndez Gándara, Presidente de ASVEF (Asociación Sindical de Veterinarios Funcionarios da Xunta de Galicia) - Lugo

O pasado febreiro, preto de 300 veterinarios da Xunta secundamos a concentración convocada en Santiago polos sindicatos CC OO, UGT, CSIF e CIG para reivindicar unha mesa única de negociación que resolva os graves agravios que vimos padecendo este colectivo.
A inoperancia e falta de interese da Xunta por arranxar unha situación herdada que xa se prolonga demasiado, imposibilita a necesaria actualización no control da seguridade alimentaria, a saúde pública e a sanidade ambiental de Galicia.
A Escala de Veterinarios da Xunta precisa unha reorganización global que garanta condicións de traballo dignas e acordes coa responsabilidade do noso labor.
As consellerías de Medio Rural, Sanidade, Pesca e Medio Ambiente, ás que estamos adscritos, son incapaces de resolver unha problemática que debería ser corrixida cunha acción coordinada por Función Pública.
Así, acontece que temos que desenvolver o noso labor constreñidos por unhas RPTs obsoletas e coas que non estamos en absoluto de acordo.
Demandamos un decreto claro de funcións para cada posto de traballo que evite arbitrariedade na asignación de niveis e responsabilidades.
Esiximos a non marxinación do labor veterinario: en consellerías como Medio Ambiente, subcontratan servizos con clínicas privadas e abusan de asistencias técnicas.
Reivindicamos a remodelación das RPTs das consellerías onde desenvolvemos o noso labor e a solución definitiva á problemática arrastrada desde as últimas oposicións sen que ningún profesional saia prexudicado. Así llo queren facer ver os Sindicatos á Administración co noso total apoio.
A preocupación mostrada en 2001 por todos os grupos políticos no Parlamento de Galicia, tras a presentación polo BNG dunha Proposición non de Lei sobre a Mellora dos Servizos Sanitarios, non se reflectiu nestes anos en ningunha medida.
Tanta desidia e inoperancia debe rematar e dar paso a unha acción responsable do Goberno, xa que o problema afecta a cinco consellerías.
Cómpre poñer fin a esta grave situación, que desmoraliza ó persoal veterinario da Xunta e pode comprometer algo tan importante como o control sanitario do proceso produtivo: a cacarexada frase "da corte e o mar ata a mesa".

CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo
Diari de Girona | Diario de Ibiza | Diario de Mallorca | Empordà | Información | La Opinión A Coruña | La Opinión de Granada | La Opinión de Málaga | La Opinión de Murcia | La Opinión de Tenerife | La Opinión de Zamora | La Provincia | La Nueva España | Levante-EMV | Mallorca Zeitung | Regió 7 | Superdeporte | The Adelaide Review | 97.7 La Radio | Blog Mis-Recetas | Euroresidentes | Lotería de Navidad | Oscars | Premios Goya