Moita tecnoloxía, pouca educación

 

M.ª Paz González Pérez - Valladares (Vigo)

O día 10 de novembro, nesta mesma sección, estaban publicadas as grandes explicacións que daba o señor don José Romero, presidente comarcal de Vodafone, sobor da explotación da antena Seoane. Pois á vista está que de alta tecnoloxía nada, porque fose polo que fose estoupou.
Miña familia máis eu vivimos a escasos 5 metros da famosa antena. Dende o primeiro momento no que soubemos o que alí nos ían colocar, opuxémonos todos, pero foi imposible, porque pola "falsa", sen licenza nin permisos de ningunha clase conseguiron levala a cabo. En anteriores cartas xa explicou o presidente do noso centro veciñal, a maneira que tivo esta xente de traballar.
A noite na que aconteceu a explosión, na nosa casa romperon cristais e persianas, e ata sen luz nos quedamos, o susto foi enorme. Nos días posteriores foi un "exército" de xente a que por alí pasou, pero ate o día de hoxe ninguén se preocupou polos danos causados, nin vostede señor presidente, nin o noso querido veciño, que tivo a feliz idea de alugar o campo e os cortellos onde tiña metidos os porcos e as galiñas, xusto diante da nosa porta e fiestras por un puñado de cartos. Estivemos un tempo sen cristais nin persianas, pasando frío dentro da nosa casa, agardando que algún deles pasara por aquí; dado que ninguén se dignou a pasar, non nos quedou outra que colocar os cristais e persianas. Somos unha familia que vive do seu traballo honradamente (non coma outros!!), e no noso presuposto non entraba ese gasto.
Ou sexa que: señor presidente de Vodafone, nós (que sí temos educación) pedímoslle que nos pague dunha vez a factura.

  HEMEROTECA
CONÓZCANOS: CONTACTO | FARO DE VIGO | LOCALIZACIÓN Y DELEGACIONES | CLUB FARO DE VIGO | ACERCA DE ED. GALEGO PUBLICIDAD: TARIFAS | CONTRATAR
farodevigo.es es un producto de Editorial Prensa Ibérica
Queda terminantemente prohibida la reproducción total o parcial de los contenidos ofrecidos a través de este medio, salvo autorización expresa de farodevigo.es. Así mismo, queda prohibida toda reproducción a los efectos del artículo 32.1, párrafo segundo, Ley 23/2006 de la Propiedad intelectual.
 


  Aviso legal
  
  
Otros medios del grupo Editorial Prensa Ibérica
Diari de Girona  | Diario de Ibiza  | Diario de Mallorca | El Diari  | Empordà  | Información  | La Opinión A Coruña  |  La Opinión de Granada  |  La Opinión de Málaga  | La Opinión de Murcia  | La Opinión de Tenerife  | La Opinión de Zamora  | La Provincia  |  La Nueva España  | Levante-EMV  | Mallorca Zeitung  | Regió 7  | Superdeporte  | The Adelaide Review  | 97.7 La Radio  | Blog Mis-Recetas  | Euroresidentes  | Lotería de Navidad | Oscars | Premios Goya