Blog 
Festa a Festa
RSS - Blog de Roxelio Xabier García Romero

Sobre este blog de Gran Vigo

Blog de festas e orquestras.


Archivo

  • 09
    Julio
    2010

    Comenta

    Comparte

    Twitea

    Betanzos volve ao medievo coa feira franca máis completa da comarca

    betanzos-feira-franca-medieval-2010-cartel-pequenoA localidade de Betanzos acolle esta fin de semana unha nova edición da Feira Franca Medieval da Cidade dos Cabaleiros. De novo, a festa medieval convértese no evento destas características máis completo e con maior sona da comarca.

    Entre as actividades da feira destaca a celebración da cea medieval, que terá lugar hoxe venres, ás 22:00 horas no antigo Matadoiro Municipal. As entradas atópanse á venda na oficina de turismo e esta actividade foi recuperada na anterior edición.

    Os postos que acollerán multitude de actividades que teñen que ver co mundo medieval ocupan a totalidade da zona vella betanceira e dedicaranse especialmente á artesanía e mais á alimentación.

    Tamén haberá unha zona de xogos infantís, espectáculos de animación de rúa, música, teatro e malabares.

    O programa preparado para este ano, malia a crise, contén máis actividades que na edición de 2009 e estas están dedicadas a todos os públicos. Betanzos volve por uns días á época medieval e lembra a súa etapa de dominio sobre a zona. E é que a Cidade dos Cabaleiros chegou a ser capital de provincia en Galicia.

    Estes días a importancia da cidade verase reflectida na súa Feira Franca.

    Podes consultar o programa completo web do concello de Betanzos ou visitar a páxina da Asociación de Amigos do Casco Histórico de Betanzos.

     

    Denunciar
    Compartir en Twitter
    Compartir en Facebook