Blog 
Festa a Festa
RSS - Blog de Roxelio Xabier García Romero

Sobre este blog de Gran Vigo

Blog de festas e orquestras.


Archivo

  • 14
    Agosto
    2010

    Comenta

    Comparte

    Twitea

    Betanzos abre esta noite as festas de San Roque

    betanzos-san-roque-2010-cartel

    O monumental globo de papel volverá a voar este luns desde a praza Irmáns García Naveira. É unha tradición moi apegada e un dos actos principais das festas de Betanzos. Pero non o único: as Xiras dos Caneiros os días 18 e 25 e as actuacións musicais salpicadas no calendario ata a segunda Xira tamén son eventos para ter moi en conta.

    A orquestra ARMONÍA SHOW abre esta noite as festas betanceiras. A formación musical canaria está inmersa nunha gran xira galega que a está levando por moitas partes de Galicia. A súa irmá EL COMBO DOMINICANO será a seguinte formación en acudir ás festas do globo de papel máis grade de Galicia. Estará amenizando a verbena de mañá domingo.

    E o día da elevación do globo non pode quedar sen verbena. Moi ao contrario, é unha das máis multitudinarias. A encargada nesta edición é a orquestra XENTE NOVA. O mércores 18 (I Xira aos Caneiros) será o día en que a VERSALLES ofrecerá a súa mellor música e dous días despois, o 20, a tamén coruñesa MANHATTAN.

    O sábado 21 terá lugar o único concerto pop para este ano: HOMBRES G traerán os seus mellores éxitos á praza Irmáns Naveira. A música cambiará de estilo noutro concerto que terá lugar un día despois: RIFF RAFF e LA BANDA DEL CAMIÓN ofrecerán unha noite de rock puro e duro.

    E chegamos ao final da festa, o día 25, coa II Xira aos Caneiros. A música por partida dobre estará da man de dúas formacións musicais ben coñecidas: NOVA IMPERIAL na Xira, de cara ao río, e CHARLESTON BIG BAND na praza Irmáns García Naveira para despedir as festas ata o vindeiro ano.

    ------------------------------------------------------------------

    Pódese consultar o programa completo na páxina web do Concello de Betanzos.

     

    Denunciar
    Compartir en Twitter
    Compartir en Facebook